Lengri bið eftir tíma hjá sérfræðilækni
Bið eftir tíma hjá læknum í sumum sérgreinum hefur lengst. Töluverð fækkun blasir við í stétt hjartalækna.
Formaður Læknafélags Reykjavíkur segir algjört óöryggi ríkja meðal sérfræðilækna og nýliðun vanti í stéttina. „Nú er bara þannig komið að þetta óöryggi og nýliðunarleysi er orðið þannig að menn eru farnir að hugsa sinn gang,“ segir Þórarinn Guðnason, formaður Læknafélags Reykjavíkur.
Formaður Læknafélags Reykjavíkur segir algjört óöryggi ríkja meðal sérfræðilækna og nýliðun vanti í stéttina. „Nú er bara þannig komið að þetta óöryggi og nýliðunarleysi er orðið þannig að menn eru farnir að hugsa sinn gang,“ segir Þórarinn Guðnason, formaður Læknafélags Reykjavíkur.
Samkvæmt viðmiði landlæknis á fólk að fá samband við heilsugæslustöð samdægurs, viðtal við heilsugæslulækni innan 5 daga. Skoðun hjá sérfræðingi innan 30 daga og aðgerð eða meðferð hjá sérfræðingi innan 90 daga frá greiningu.
Þetta gengur alls ekki eftir í öllum tilvikum. Til að mynda er sex mánaða bið eftir tíma hjá fyrsta lausa hjartalækni á Læknasetrinu í Mjódd.