Reglur hertar vegna kórónuveirunnar

Hertari aðgerðir vegna kórónuveirunnar taka gildi á hádegi á morgun. Þetta kom fram á upplýsingafundi yfirvalda í dag. Á meðal aðgerða er að fjöldatakmörk verða lækkuð úr 500 manns niður í 100 manns. Tveggja metra reglan tekur aftur gildi.

Haft er efti Katrínu Jakobsdóttur forsætisráðherra á Vísi að hún telji ekki að of brátt hafi verið farið í opnun landsins. Ekki hafi verið mistök að liðka fyrir komu ferðamanna hingað til lands.

Vísir segir einnig frá því að sjúklingur sem lagður var inn á Landspítala í morgun vegna Covid-19 sé í áhættuhópi vegna aldurs.  Kamilla Sigríður Jósefsdóttir, staðgengill sóttvarnalæknis, segir ekki ljóst hvers vegna svo fáir hafi þurft að leita á sjúkrahús vegna Covid-19 í þessari „seinni bylgju“ faraldursins en veikindi versni oft á annarri viku.

Víðir Reyn­is­son, yf­ir­lög­regluþjónn al­manna­varna, seg­ir við Mbl.is að auk­inn viðbúnaður verði hjá lög­reglu í um­dæm­um um land allt yfir versl­un­ar­manna­helg­ina. Hann segir það verk­efni sam­fé­lags­ins alls að ná tök­um á út­breiðslu veirunn­ar. 

„Smit­hætt­an er mik­il. Við vit­um ekki hvað smitið er út­breitt núna. Þró­un­in með hverj­um degi í þess­ari viku hef­ur bent til þess að við erum ekki með tök á þess og þess vegna þurf­um við að grípa til þess­ara aðgerða.“

Mynd/Skjáskot/Vísir

Sjá má fundinn hér.

Fjöldi frétta um áhrifin og ákvörðunina:

Landspítali kominn á hættustig - Landspítali

Neyðarfundur í borginni - RÚV

Frjálsíþróttamót blásin af - RÚV

Mörg tjaldsvæði gott sem loka - Mbl.is

Almannavarnarstig ekki hækkað - Mbl.is