Dæmi um blóðtappa vegna Covid-19 - Magnús í fréttum RÚV
„Eitt af vandamálunum sem tengist þessari sýkingu er truflun á storkukerfi líkamans og við höfum séð það í okkar veikustu sjúklingum,“ segir Magnús Gottfreðsson, sérfræðingur í smitsjúkdómum við Landspítalann í viðtali við Ölmu Ómarsdóttur í fréttum RÚV. Sjúklingum eru þá gefin blóðþynnandi lyf.
Greint er frá því í fréttinni að blóðstorknun og blóðtappamyndun sé ein birtingamynd kórónuveirusýkingarinnar COVID-19. Sýkingin geti haft mikil áhrif á hjarta og æðakerfi, meltingarfæri og taugakerfi.
„Það er mikilvægt að hafa þetta í huga þegar meðferð er ákveðin og mikilvægt líka að reyna að fyrirbyggja blóðtappamyndun hjá þessum skjólstæðingum okkar,“ segir Magnús.
Sjá fréttina í sjónvarpsfréttum á RÚV.