Mótefni við Covid-19 í blóðvökva - Már í hádegisfréttum RÚV
Til greina kemur að nota blóðvökva úr fólki sem er batnað af COVID-19, og hefur myndað mótefni gegn kórónuveirunni, við meðhöndlun mjög veikra sjúklinga. Þetta sagði Már Kristjánsson, yfirlæknir smitsjúkdómadeildar Landspítala, í fréttum RÚV nú í hádeginu. Hann segir að sumir virðist mynda gott mótefni gegn veirunni.
„Mótefnin eru náttúrulega lykilþátturinn í að hemja útbreiðslu veirusýkingar innan hvers einstaklings,“ sagði hann. „Og þetta þekkjum við úr öðrum sjúkdómum, þannig að það er vel hægt að hemja veiruna með þessum hætti.“