Fréttir

Miðvikudagskvöldið 17. janúar kl. 20:00-22:00 verður opið málþing á Læknadögum í Hörpu um geðheilbrigði og samfélag. Málþingið verður haldið í Silfurbergi B og er opið öllum - aðgangur er ókeypis.

Dr. Anthony Costello er einn af þremur fyrirlesurum sem mun standa á sviðinu í Eldborg næsta mánudag. Í erindi sínu mun hann fjalla um niðurstöður skýrslunnar The Lancet Countdown: tracking progress on health and climate change, ásamt áhrifum loftslagsbreytinga á heilbrigði og stöðu mæðra, barna og ungmenna.

Í ritstjórnargrein 12. tbl. Læknablaðsins er fjallað um rannsóknir í læknisfræði, traust og fagmennsku. Þar er vitnað í mál skurðlæknisins Paolo Macchiarinis. Þetta mál sem í daglegu tali hefur verið nefnt „plastbarkamálið“, er mikill álitshnekkir fyrir Karólínska sjúkrahúsið og Karólínsku stofnunina sem Macchiarini starfaði við frá árinu 2010, ekki síst eftir að í ljós kom að margir annmarkar voru á þessum lækningum og tilskilin leyfi skorti

Læknafélag Íslands sendir læknum og landsmönnum öllum óskir um gleðileg jól og farsæld á nýju ári.

Læknafélag Íslands fagnar 100 ára afmæli árið 2018. Af því tilfefni verður afmælishátíð í Eldborgarsal Hörpu 15. janúar sem verður opin almenningi. Takið daginn frá !

Stjórn Læknafélags Íslands ræddi á fundi sínum 14. desember sl. yfirlýsingu frá #metoo hópi kvenna í læknastétt sem leiddi í ljós að atvinnugreinin er á engan hátt undantekning frá reglunni um kynbundið ofbeldi og áreitni. Augljóst er að taka þarf á vandanum með öllum tiltækum ráðum og uppræta hvers kyns kynferðislegt ofbeldi og mismunun innan raða lækna og í samstarfi þeirra við aðrar heilbrigðisstéttir.

Gera þarf kröfur um bætta stjórnsýslu og mannauðsstjórnun og taka á skipulagsvanda samhliða auknum fjárveitingum til heilbrigðismála

Reynir Arngrímsson var kjörinn formaður Læknafélags Íslands með rafrænni kosningu í maí síðastliðnum. Hann tók við embættinu á aðalfundi félagsins nú í október af fráfarandi formanni, Þorbirni Jónssyni.

Læknafélag Íslands fagnar 100 ára afmæli sínu 2018. í tilefni afmælisins verður efnt til fjölda viðburða yfir árið, má þar m.a. nefna golfmót og fjallgöngu með FÍFL.

Stjórn Læknafélags Íslands hefur skipað í Siðfræðiráð félagsins til tveggja ára frá og með 11. desember 2017. Svanur Sigurbjörnsson var endurskipaður formaður ráðsins.